Ura e Frëngut është shpallur monument kulture i kategorisë së parë nga Ministria e Arsimit dhe Kulturës, me vendim Nr.266/1 Dt.16.02.1979.
Viti/koha e ndërtimit: Shek. XVI.
Vendndodhja: Fshati Gjorm, Bashkia Selenic.
Përshkrimi: Ura e Frëngut ndodhet afër fshatit Gjormë dhe ka shërbyer për qarkullimin dhe komunikimin e banorëve të fshatrave, që ndodhen në bregun e majtë të lumit Shushicë. Ajo është urë e tipit me dopjo qemer me harkun në formë lundre dhe me dy dritare shkarkuese. Arkitektura e urës i është përshtatur terrenit shkëmbor ku është ndërtuar, duke u harmonizuar me peizazhin natyror. Muratura e saj është e ndërtuar me gur kave të lidhur me llaç gëlqere. Në vitin 2015 i është nënshtruar një ndërhyrjeje restauruese nga D.R.K.K-Vlorë.
Bibliografia: V. Shtylla., Rrugët dhe urat e vjetra në Shqipëri, Botimet Toena, Tiranë 1997.
Funksioni: Vepër inxhinierike, monument kulture.
Hyrja: Pa biletë
Itinerari: Ura ndodhet buzë rrugës, pranë fshatit Gjorm dhe drejt saj mund të shkohet me çdo mjet transporti.
Pozicioni në Google Map:
https://goo.gl/maps/Ad83ozMcqPw