Kuzhina

Byrek me mish koke (Mesnik)

Shumë familje shqiptare e kanë traditë që ditën e parë të Vitit të Ri të presin byrekun brenda të cilit fshihet një monedhë. Anëtari i familjes që gjen monedhën do të ketë një vit me fat e me të ardhura. Dhe një ndër byrekët më të dashur për t’u përgatitur në këtë festë është mesniku ose byreku me mishin e kokës së viçit. Le të shohim si përgatitet:

Përbërësit:

600 gr miell

gjysmë koke viçi

3-4 qepë

pak vaj ulliri

kripë

piper

niseshte

Përgatitja Zëmë brumin me pak ujë të vakët dhe e lëmë të pushojë. Ziejmë kokën e viçit dhe e ndajmë në copa të vogla. Në një tigan kaurdisim qepët, shtojmë copat e mishit për t’u dhënë shije, i rregullojmë me kripë e piper dhe fikim sobën.

Hapim petët të cilat i pjekim pak mbi sobë ose në furrën e sobës.  Lyejmë një tepsi me vaj dhe vendosim dy petët e para. I spërkasim me lëngun e mishit dhe vendosim një pjesë nga masa e përgatitur me mish dhe qepë.

Vazhdojmë kështu edhe me petët e tjera. Në fund e mbulojmë me një petë të pjekur dhe e vendosim të piqet në 180 gradë për 20 minuta.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Shiko edhe

Close