Categories Lajme

Analiza e Policisë së Shtetit: Në 2018, një vrasje më pak

Policia e Shtetit shprehet se krahasuar me vitin 2017, në 2018-tën ka bërë progres sa i përket luftës ndaj krimit dhe drogës.

Në analizën vjetore ku morën pjesë ministri i Brendshëm Sandër Lleshaj, u evidentua si pozitiv fakti që në 2018-tën ka një vrasje me pak.

Por, referuar të dhënave të INSTAT numri i vrasjeve me dashje në vitin që lamë pas ka shënuar rritje nga 50 që ishin në vitin 2017, në 51 vrasje në 2018.

Drejtori Veliu, vuri theksin te goditja e grupeve kriminale .

Veliu: Goditja e krimit të organizuar, në mënyrë të veçantë e grupeve kriminale, nëpërmjet hetimeve dhe operacioneve bazuar në analizën e informacionit kriminal dhe përdorimit të mjeteve speciale të hetimit; forcimi i zbatimit të ligjit për ngritjen e nivelit të sigurisë publike nëpërmjet shërbimeve të sigurisë për kontrollin e territorit, rritjen e cilësisë së shërbimit ndaj qytetarëve dhe besimin e publikut tek policia.

Në fjalën e tij ministri Lleshaj theksoi se problematika më e madhe e policisë është bashkëpunimi me qytetarët si dhe rritja e numrit të punonjësve të policisë.

Lleshaj: Policia e Shtetit shqiptar është një polici e vogël, por problematika jonë nuk është e vogël, ende vazhdon që problematika të jetë e madhe dhe për të arritur që të kompensojmë mungesën e numrave të policisë, mbetet i rëndësishëm bashkëpunimi me qytetarët e këtij vendi. Është e rëndësishme, është jetike që Policia e Shtetit të forcojë bashkëpunimin me qytetarët e këtij vendi, është e rëndësishme që qytetarët të rrisin besimin tek policia e tyre dhe për të rritur besimin ka vetëm një mënyrë: ta fitosh atë përmes punës, përmes integritetit, përmes ndershmërisë, përmes përkushtimit, përmes angazhimit dhe përmes sakrificës.

Në fjalën e tyre Prela dhe Felaj vlerësuan performancën e policisë, si brenda vendit ashtu edhe tek partnerët ndërkombëtarë, dhe bashkëpunimin me institucionin e prokrurorisë.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME
Categories Lajme

Dita e sotme me kthjellime dhe vranësira. Temperatruat do te jenë me rritje

Anticikloni subtropikal po ndikon Europën Juglindore, ku presim stabilitet të kushteve atmosferike në territorin e…

LEXO ME SHUME
Categories Lajme

Ngacmimi nga interneti, Tirana në vend të parë për numrin e denoncimeve. Kuçova renditet e dyta

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është…

LEXO ME SHUME
Categories Lajme

Horoskopi, 29 Mars 2024

Dashi Kjo ditë do ju gjejë më produktiv dhe krijues, qoftë në sferën profesionale edhe…

LEXO ME SHUME
Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME