Categories Lajme

Çështja e Valbonës në Parlamentin Europian, ambientalisti: Është projekt korruptiv, duhet të anullohet

Ambientalisti Abdulla Diku, u shpreh gjatë një interviste për Televizionin Fax News se çështja e Parkut Kombëtar të Valbonës do të diskutohet në Parlamentin Europian me 7 mars të këtij viti, dhe pas kësaj kjo çështje do të denoncohet në çdo institucion ndërkombëtarë që do t’i dëgjojë.

“Edhe pas diskutimeve në Parlamentin Europian, ne do të vijojmë ta çojmë çështjen e Valbonës në çdo institucuion ndërkombëtar kudo që do të dëgjohemi”, – u shpreh Diku.

Ai bëri të ditur se Valbona do të përfaqësohet nga banorët e zonës, ekspertët apo ambjentalistët që e njohin natyrën dhe problematikat që mund të shkaktojnë ndërtimet e HEC-ve si dhe nga organizta TOKA.

“Nuk është i mundur anullimi i të gjitha projekteve për ndërtimin e HEC-ve, pasi kjo do të kishte një kosto shumë të madhe ekonomike, por ai i Valbonës mund të realizohet sepse janë konstatuar plot parregullsi dhe shkelje pasi në kontratë rezultojnë firma të njerëzve që nuk jetojnë më”, – u shpreh ndër të tjera ambjentalisti.

Ai tha gjithashtu se organizata “TOKA” ka ngritur padi penale për falsifikimet e çertifikatave që janë bërë për mbledhjen e firmave të banorëve.

Abdulla Diku deklaroi se komuniteti nuk gjeti mbështetje për të mos dhunuar zonat e mbrojtura por edhe resurset me të cilat ata jetojne.

“Komuniteti nuk gjeti mbështetje për të mbrojtur këto zona. Ato po dëmtohen nga betonizimi. Oligarkët shkojnë iu marrin ujin tokat e gjithçka kanë. Banorët nuk kanë zgjidhje tjetër veçse të protestojnë dhe ti mbrojnë ato në të kundërt do të migrojnë sepse nuk kanë zgjihje tjetër”.

Ai paralajmëroi se pas Valbonës do të ketë edhe zona të tjera të mbrojtura që janë planifikuar dhe po planifikohen që të shfrytëzohen barbarisht për përfitime ekonomike.

Kujtojmë se më 7 mars të këtij viti, çështja e Valbonës do të dëgjohet në Parlamentin e Bashkimit Europian gjatë një konference me titull “Ruajtja e lumenjve të Ballkanit: Rezistenca e hidrocentraleve në Ballkan dhe Shqipëri”.

Kjo konferencë u organizua pas përvojës së delegatëve të BE në Valbonë në vitin 2018, kur u shfaq një dokumentar i BIRN-it lidhur me konfliktet e vazhdueshme në hidrocentralin në Valbonë dhe dëmtimi i bërë në Parkun Kombëtar më të dashur të Shqipërisë.

Përpara disa muajsh, Ambasadori Donald Lu, ambasadorja e BE-së në Tiranë, Romana Vlahutin dhe ambasadori i OSBE-së, Berndt Borchard, i kanë drejtuar një letër Kryeministrit Edi Rama, lidhur me ndërtimin e HEC-eve në Valbonë.

Në këtë letër  ambasadorët shprehen se në studimin e kryer në Valbonë ka patur mangësi serioze në vlerësimin e ndikimit që ka në mjedis ndërtimi i HEC-eve.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

SPAK sekuestron pasuritë e dy ortakëve të Evis Berberit (Emrat)

SPAK ka sekuestruar pasuritë e dy ortakëve të Evis Berberit, biznesmenëve Valter Begaj  dhe Ervis…

LEXO ME SHUME
Categories Lajme

EMRI/ Vdes në punë shqiptari në Itali, baba i katër fëmijëve

Një shqiptar vdiq i shtypur nga një ngarkesë që peshonte mbi një ton ndërsa po…

LEXO ME SHUME
Categories Lajme

Beleri dhe Goro në burg, pas tensioneve në Këshillin bashkiak të Himarës, zgjidhet kryetari i komanduar

Blerina Balaj është zgjedhur kryetare e komanduar e Bashkisë Himarë pas mbledhjes me tensione në…

LEXO ME SHUME
Categories Lajme

Ngjarja në Memaliaj, policia: 41-vjeçari qëlloi në ajër për të kanosur dy persona

Një person ka qëlluar në ajër në Memaliaj ditën e djeshme dhe si pasojë e të…

LEXO ME SHUME
Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME