Çfarë po ndodh në Ballkan?! Ramush Haradinaj kërkohet në Hagë…Kjo ngjarje ka pak të bëjë me konceptin e drejtësisë ndërkombëtare dhe ndëshkimin e krimeve të luftës. Kjo jo vetëm sepse Haradinajt kanë qenë të gatshëm të bashkëpunojnë me tribunalin sa herë që iu është kërkuar dhe nuk iu është provuar asnjë akuzë për krime lufte, por edhe sepse nëse gjyqtarët në Hagë duan të ndëshkojnë kriminelët e luftës, ata duhej të gjenin vrasësit e tre vëllezërve Bytyqi (Yllit, Agronit e Mehmetit).
Pra, shqip e shkoqur, kjo provon se me ndihmën e miqve të saj ndërkombëtarë dhe të bukëshkalëve shqipfolës Serbia po bën atë që ka bërë historikisht, po i shpall luftë shqiptarëve. Pra, ajo po mundohet të na shkatërrojë si komb, duke u përpjekur të na gjunjëzojë ata më të mirët, më trimat, ata që janë përballur denjësisht më Serbinë si në luftë ashtu edhe në paqe. Është koha për më shumë unitet! Është koha për më pak përçarje mes nesh. Uniteti ynë është armiku i Serbisë. Përçarja jonë krijon festë në Serbi. Le të mos ua bëjmë qejfin!
Së fundmi, le ti nderojmë heronjtë tanë edhe kur janë gjallë dhe na frymëzojnë me aktet e tyre, jo vetëm të vdekur kur iu ngrejmë përmendore! Nga Profesor Doktor Ilir Hysa France.