Lajme

Deformimi dhe shkatërrimi i ‘’Gjuhës shqipe’’, pedagogia: Është situatë emergjente

Rrjetet sociale kanë bërë që gjuha shqipe të varfërohet çdo ditë e më shumë. Gjuha shqipe u rifut si gjuhë e detyrueshme në gjimnaze pas 32 vitesh, tre vite më parë.

Kurse tashmë është propozuar që gjuha shqipe të futet si lëndë e detyrueshme për studentët e çdo profili universitar.

Pedagogia e gjuhës shqipe në Universitetin e Tiranës, Linda Mëniku ka thënë gjatë një interviste se ruajtja e gjuhës korrekte shqipe është një çështje që ka të bëjë me identitetin tonë kombëtar.

Gjatë një interviste pedagogia ka thënë:

“Është pozitive, pasi shteti shqiptar po merret me një çështje shumë të rëndësishme, po merret me një çështje të identitetit tonë kombëtar. Është një gjë për tu vlerësuar. Sigurisht qe nëse futet si lënde e detyrueshme, është për tu vlerësuar.Gjuha shqipe nuk hyn në lëndët e lehta, por mund të konceptohet në një mënyrë të tillë që të jetë interesante për studentet, ti ndihmojë në formimin gjuhësor të studenteve, dhe ti ndihmojë në fushën dhe profesionin e tyre. Një grup punë të përcaktojë programin që çdo fakultet të marrin më të mirën, p.sh. studentët e ekonomisë mund të fokusohen tek terminologjia, studentët e inxhinierisë të fokusohen tek fusha e tyre. Gjuha shqipe nuk mësohet vetëm në lëndën e gjuhës shqipe, nëse nuk ka një vëmendje në të gjitha tekstet, nëse nuk ka vëmendje nga media, nga politika, nga përkthyesit, është proces që do mbetet në kufizime. Është situate emergjente, por që qeveria duhet të ketë platforme kombëtare.’’

Duhet theksuar se gjuha shqipe sot rrezikon të shkatërrohet dhe tjetërsohet nga shpërfillja dhe indiferentizmi i shoqërisë dhe individit. Kujtojmë këtu se aktualisht gjuha shqipe është lënde me zgjedhje, në formën e lëndës së shkrimit akademik, në universitetet shqiptare.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button