Lajme

‘Ekonomia’ rrëzon dekretin e Metës, mungojnë deputetët e opozitës

Komisioni i Ekonomisë ka rrëzuar sot dekretin e Presidentit te Republikës për kthimin e ligjit “Për Tatimin mbi të ardhurat”.

Në mbledhje nuk kanë qenë të pranishëm deputetë të opozitës. Dekreti kaloi për votim ne seancën e nesërme plenare. Gjatë fjalës së tij kryetari i Komisionit, Erion Braçe pohoi se urgjenca lidhet me interesin publik dhe nesër eshte seanca e fundit për këtë sesion.

Braçe tha se deputetët e opozitës ishin njoftuar për mbledhjen në fjalë, ku kjo e fundit po mbahet në ambientet e selisë së Parlamentit. “Argumente kushtetues nuk gjej tek dekreti presidentit. E konsideroj një akt politike, ashtu si dekreti për buxhetin. Kjo pasi mund të zgjidheshin përmes konsultave”, -tha Braçe.

Ndërkohë, ministri i Financave Arben Ahmetaj tha se: “Nuk cenohet barazia fiskale. Nuk jemi në kushtet e pabarazisë fiskale Kjo është maxhoranca që ka pasur në themel parimin ‘kush fiton me pak, paguan me pak’. I kërkoj komisionit te rrezoje dekretin e presidentit te Republikës”. Po ashtu deputeti i PS-së Ervin Bushati tha se argumentet e presidentit Meta për pabarazi para ligjit nuk qëndrojnë.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button