Drejtori i Drejtorisë së Kufirit dhe Migracionit në Gjirokastër Idajet Hoxha,  në një takim në Prefekturën e Qarkut Gjirokastër  ka pohuar  se, fluksi i refugjatëve ka shënuar rritje përgjatë muajve të fundit.

Kjo tregon se vendi veç krizës aktuale në politik, duket se do të kemi dhe një tjetër krizë. Atë të refugjatëve.

Së fundmi po flitet për ardhjen e një numri të madh reugjatësh sirian nga Turqia me destinacion Shqipërinë.

Sipas Idajet Hoxhës vetëm në dy ditë janë futur në Shqipëri 65 refugjat të cilët janë dërguar në  qendrën e pritjes në Tiranë.

Ndërkohë që numri i refugjatëve pritet të rritet, vendi duhet të jetë i përgatitur për të pritur një numër të madh të tyre, ndryshe një rritje drastike e numrit të refugjatëve do e kalonte Shqipërinë në emergjencë kombëtare.