Të gjithë kemi dëgjuar për benefitet shëndetësore që vijnë me konsumimin e frutave dhe perimeve.
Por, një grua në Kinë për pak sa nuk vdiq pasi donte që përbërësit e shëndetshëm ushqimorë t’i “transportonte” direkt në gjak.
Thuhet se gruaja me emrin Zeng nga provinca, Hunan ka injektuar në venat e saj një “smoothie” me 20 lloje frutash.
Përzierien ajo e kaloi në vena me anë të një qeseje serumi. Si fillim Zeng nuk pati probleme, por më pas filluan shqetësimet shëndetësore.
Pasi u pranua, në spital mjekët u tronditën me gjendjen e saj.
Si pasojë e lëngut të frutave të futur në rrjedhën e gjakut, ajo kishte zhvilluar infeksion në mëlçi, në veshka dhe në zemër dhe ishte në rrezik të mosfunksionimit të shumëfishtë të organeve.
Fatmirësisht mjekët arritën ta shpëtonin në kohë.
Zeng tha:
Unë mendoja se frutat e freskëta ishin shumë ushqyese dhe nuk do më gjente gjë nëse i injektoja në trupin tim. Nuk ja kisha idenë që do futesha kaq shumë në telashe.”