Lajme

Nuk kishte leje qëndrimi afatgjatë, nënës shqiptare i mohohet bonusi i lindjes

Shteti italian ofron 800 euro bonus për çdo fëmijë që lind, edhe nëse nëna nuk është italiane. Mirëpo një shqiptareje i është mohuar shuma e sipërpërmendur, nga instituti për përkujdesjen sociale, pasi nuk kishte leje qëndrimi afatgjatë.

Nisur nga ky fakt shqiptarja ka vendosur që të apelojë vendimin. Gjyqtari në Pistoia, Francesco Barraca i ka dhënë të drejtë shqiptares, dhe e ka quajtur diskriminues vendimin ndaj saj. Vendimi është marrë 27 majin e shkuar.

Përveç pagesës së bonusit, Instituti duhet të dëmshpërblejë shqiptaren me 1776 euro. Siç shkruajnë mediat italiane, shqiptarja kishte leje qëndrimi për motive familjare, që edhe pse nuk ishte afatgjatë, i lejohej që të punonte rregullisht në Itali.

Gjykatësi tha më tej, se bazuar në ligj, nëse një grua punon në Itali, nuk ka përse të mos e përfitojë bonusin për shkak të nënshtetësisë. Një rast i tillë është regjistruar edhe në Gjykatën e Milanos në 2017-ën, ku Instituti kishte humbur gjyqin, pasi ishte konsideruar si veprim diskriminues. Gjithashtu në gjykatat e Italisë ka një sërë çështjesh të tjera, që janë në proces e sipër.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button