Ditën e nesërme pritet një tjetër protestë nga opozita në Tiranë para Kuvendit. Ashtu si në protestat e mëparshme edhe për protestën e nesërme të opozitës, po merren masa.

Pasditen e sotme është vënë re se godina e Kryeministrisë është rrethuar me hekura mbrojtës, njësoj siç është vepruar edhe në protestën e 16 marsit. Gjithë pjesa e parë e Kryeministrisë është rrethuar nga pllaka hekuri.

Protesta është parashikuar të zhvillohet para Kuvendit, gjatë kohës që do të mbahet seanca plenare e radhës. Kjo është protesta e 7 e opozitës dhe sipas drejtuesve të saj ajo do të zhvillohet sa herë të ketë seanca plenare.