Kreu i Partisë Demokratike Lulzim Basha i është bashkuar protestës së banorëve të Astirit pas thirrjeve të këtyre të fundit për përkrahje nga ana e përfaqësuesve të opozitës dhe faktorit ndërkombëtar, pasi ata janë shprehur se ndihen të kërcënuar nga policia.

Nga protesta ku ndodhet në këto momente, Basha ka deklaruar se kjo është qeveri e krimit e cila po tenton të terrorizojë banorët.

Basha ka deklaruar gjithashtu se, policia kishte urdhër politik për të ushtruar dhunë ndaj protestuesve dhe me këtë rast ai ka u ka bërë thirrje qytetarëve që të marrin pjesë në protesta.

“Kishin marrë urdhër deri para pak minutash që të arrestonin banorët ndërkohë që të pandehur duheshin marrë Rama dhe Gjiknuri për aferën korruptive. Ka informacione te besueshme se me urdhër politik të Sandër Lleshaj dhe me shumë mundesi të Edi Ramës, policia do të kryente akte reprezalje dhe terrori mbi banorët. Këta kanë dalë nga bandat dhe u shërbejnë bandave. Banorët menjëherë pas fjalës së Bashës kanë marrë garanci se nuk do të cënoheshin dhe kanë filluar të largohen”, ka deklaruar ndër të tjera kryedemokrati.

Ndërko ish-deputeti i PD-së Klevis Balliu i ka njoftuar banorët se Policia sapo është tërhequr nga zona të cilën e mbante të rrethuar prej orësh.