Lajme

Reportazhi i AFP-së: Autoritetet shqiptare po përpiqen të shesin avionët MiG në Gjadër

Agjensia e lajmeve AFP i ka kushtuar një reportazh të gjatë avionëve të Gjadrit. Të nxitur nga kurioziteti për të kaluarën e regjimit komunist në Shqipëri, AFP ka shkuar në Gjadër të Lezhës për të zbuluar një bazë ushtarake që fshihet në zemër të malit.

Baza ajrore e fshehtë, sot është thjesht një depo që mban në errësirë dhjetëra avionë MiG të periudhës komuniste, që mbledhin pluhur prej vitesh. Tre dekada pas shpërbërjes së komunizmit, autoritetet shqiptare po përpiqen t’i shesin avionët sovjetikë dhe kinezë që kanë dalë jashtë përdorimit prej më shumë se një dekadë.

Shefi i shtabit, Bardhyl Kollçaku thotë se një pjesë e avionëve MiG do të mbahen në muzeun e ushtrisë.

Ai shprehet:

“Përveç nostalgjisë, për të cilën ne do t’i mbajmë disa prej tyre në muzeun tonë… pjesa tjetër do të trajtohet sipas legjislacionit vendas për shitje ose përdorim tjetër.”
Baza e fshehtë e Gjadrit ishte pjesë e planit të ish-diktatorit Enver Hoxha. Ai kishte si synim të forconte shtetin e tij pasi kishte frikë nga pushtimet e huaja, gjë e cila kjo nuk ndodhi kurrë.

Më shumë se 600 ushtarakë punonin brenda tuneleve te pajisura me kafene, konvikte dhe zyra. Baza e Gjadrit u dëmtua në vitin 1997, kur vendi u përfshi nga një rebelim i armatosur dhe qytetarët sulmuan bazat ushtarake për të rrëmbyer armët. Edhe në Gjadër u grabitën armë dhe pjesë metalike të disa avioneve MiG.

Kur Shqipëria diskutoi për herë të parë shitjen e avioneve MiG në vitin 2016, kërkesa e parë erdhi nga Muzeu i Hapësirës Ajrore në Francë, si dhe nga një shkollë fluturimi në Gjermani.

Madje edhe biznesmeni francez Julien Roche është në listën e pritjes pasi ka në plan të instalojë një avion të tillë në kopshtin e tij.

Megjithatë, asnjë shitje nuk është realizuar deri më sot. Sot, forca ajrore shqiptare ka vetëm një flotë të vogël të helikopterëve dhe hapësira ajrore e saj është e mbrojtur nga NATO.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button