Kryeministri Edi Rama më anë të një postimi në rrjetet sociale ka bërë të ditur se ka zhvilluar ditën e sotme një takim me kompaninë SHELL, e cila do të bëj kërkime për naftë në Shqipëri.
Kryeministri shkruan se të gjitha të dhënat flasin për një rezervë të madhe gazi dhe nafte dhe nëse provat dalin të vërteta do të ketë një impakt të konsiderueshëm në ekonomi.
“Një lajm tejet inkurajues nga takimi me kompaninë SHELL. Edhe pak javë na ndajnë nga prova e të vërtetës së Shpiragut, ku të gjitha të dhënat flasin për një rezervë të madhe gazi e nafte. Nëse prova del me sukses, impakti në ekonomi do jetë i konsiderueshëm duke nisur nga 2020.”– shkruan Rama në Twitter.