Lajme

Shqipëria ngjitet 4 vende në indeksin e konkurrueshmërisë globale

Shqipëria ka fituar 4 vende në indeksin global të konkurrueshmërisë, i cili publikohet çdo vit nga Forumi Ekonomik Botëror. Vendi ynë renditet i 76-ti, mes 140 ekonomive botërore për vitin 2018-ë, ndërsa një vit më parë rankohej i 80-i në renditjen e 135 shteteve. Në 4 shtyllat kryesore, ku e para janë institucionet, Shqipëria ka patur përmirësime, por kjo ka ardhur vetëm nga përmirësimi i komponentëve të rasteve të terrorizmit, reforma në administratën publike dhe përpjekjet e bëra për të mbrojtur të drejtën e pronës.

Elementë të tjerë të rëndësishëm brenda shtyllës së institucioneve kanë shënuar rënie: krimi i organizuar është rritur, duke u renditur në vendin e 108 në botë, ndërsa për pavarësinë e gjyqësorit, indeksi sërish shënon rënie dhe e çon Shqipërinë në vendin e 126 mes 140 shteteve.

Dobësi të tjera shihen në fushën e infrastrukturës, ku rënie vërehet në cilësinë e rrugëve dhe lidhjen me aeroportet. Në pikën e infrastrukturës aeroportuale vendi ynë është sërish në fund të listës së ekonomive botërore.

Shqipëria renditet e para në botë vetëm në “lehtësinë e punësimit të personave të huaj”, ndërsa ka përmirësuar indeksin për jetëgjatësinë e shëndetshme. Vendi ynë ka lënë pas në renditje Maqedoninë dhe Bosnjë-Hercegovinën, por është pas Serbisë dhe Malit të Zi. Të parët në botë për konkurrueshmëri janë Shtetet e Bashkuara, të pasuara nga Singapori, Gjermania dhe Zvicra.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button