Lajme

Studentët: Jemi në grevë urie

Studentët e fakultetit Ekonomik në Universitetin e Tiranës, kanë njoftuar se ngujimi i tyre do të vijojë deri në plotësimin e kërkesave.

Në emisionin “Kjo Javë” në News24, ata kanë kritikuar ashpër sjelljen e policisë, duke thënë se aksione të tillë nuk i kishin parë as në operacionin e Lazaratit, ndërsa kanë theksuar se mund të thuhet se tashmë janë në grevë urie.

Njëri prej studentëve, Altin Kola u shpreh:

“Ata janë njerëzit që duhet të zbatojnë ligjin dhe nuk duhet të cenojnë të drejtat tona. Përdorim çdo mënyrë tjetër për të jetuar, praktikisht edhe mund ta thuash jemi në grevë urie. Ngrohja nuk ka qenë asnjëherë edhe kur kemi patur mësim dhe jo më tani. Nuk ka qenë ngrohja, por ka patur momente kur kanë ikur dritat dhe bisedimet i kemi bërë  me qirinj.
Kemi diskutuar përmes Ëhats up. Ka polici përpara portës. Të them të drejtën edhe në ndërhyrjen në Lazarat nuk i kam parë. Ne jemi grupi, por kemi mbështetjen e studentëve për të vijuar protestën. Nga stafi akademik nuk ka patur kërcënime për  djegien e vitit.”

Trego më shumë

Artikuj të ngjashëm

Leave a Reply

Your email address will not be published. Required fields are marked *