Dy ditë pasi avioni i tij u zhduk nga radarët, ka shpresë se futbollisti Emiliano Sala mund të jetë gjallë. Argjentinasi ndodhej në një avion privat dhe po fluturonte nga Franca në Kardif kur humbi nga radarët.
Pak minuta më parë policia ka publikuar një raport në lidhje me situatën e kërkim-shpëtimit. Duke qenë se në mijëra milje katror është bërë kërkim dhe nuk është gjetur asnjë mbetje avioni, atëherë kërkimi është përqëndruar në pika të tjera.
Besohet se avioni mund të jetë ulur diku dhe asnjëri nuk mund të kontaktojë. Një tjetër hipotezë është se avioni është ulur mbi det dhe është përdorur një mjet shpëtimi.
4 hipotezat e policisë:
- Mund të jenë ulur mbi ujë, janë marrë nga 1 mjet lundrues dhe mungon kontakti.
- Kanë zbritur diku tjetër, por nuk kanë mundësi kontakti.
- Mund të jenë ulur në det dhe kanë përdorur varkën që ndodhej në bord.
- Avioni ka rënë në det dhe i ka lënë anëtarët e bordit në sipërfaqe.
Mëngjesin e sotëm u publikuan dhe bisedat e fundit të lojtarit sesi ai kishte parashikuar incidentin që mund të ndodhte, ndërsa i kishte thënë të atit të tij se ishte i frikësuar.
Ndërkohë ish-e dashura e futbollistit ka reaguar duke thënë se pas kësaj ngjarje fshihet mafia e futbollit, po më pas e ka hequr postimin nga rrjetet sociale.