Lifestyle

Pse ndodh “Përgjumja në pranverë”, cilët janë shkaktarët

Me ndryshimin e stinëve, kalimi nga dimri në stinën e pranverës shoqërohet me disa luhatje si në gjendjen fizike edhe atë psikologjike të njerëzve.

Pikërisht gjatë kalimit disa nga simptomat që pësojnë individët me rritjen e temperaturave kanë të bëjnë me përgjumjen apo konfuzionin. Por sipas mjekëve specialist këto reagime të trupit janë normale gjatë ndryshimit të stinëve. Në një intervistë për ABC News mjekja psikiatre Ariana Reli është shprehur:

“Ndryshimet stinore sjellin ndryshime të përshtatjes në organizëm. Pranvera njihet nga populli, ndërrimi i gjakut, çelin pemët dhe i bën njerëzit më apatikë, dobësi e përgjithshme në organizëm, shenjat e ankthit, përgjumje, tendencë për të hequr dorë nga aktivitetet. Në këtë sezon hasen shumë alergjitë”.

Sipas Relit të gjitha grupmoshat janë të ndjeshme, mirëpo më shumë kjo gjendje haset tek moshat aktive. Këtë ndryshim duket se e vuajnë më tepër gratë në raport 1 me 8, sepse kjo edhe sepse ato e shprehin më tepër problematikën e tyre. Ndërkohë mjekja psikiatre ka dhënë gjithashtu edhe disa këshilla për ta kapërcyer sa më lehtë këtë gjendje, duke u shprehur:

“Për ta kaluar sa më thjesht dhe pa shkuar te mjeku për medikamente, mirë është që të përdoret ushqim i shëndetshëm, aktivitet fizik, si dhe jeta sociale e cila do na mbajë larg kësaj gjendjeje që përpiqet të instalohet”.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button