Ditën e sotme Drejtori i Përgjithshëm i Policisë, Ardit Veliu në një letër publike u kërkoi falje bizneseve pranë Parlamentit për përdorimin pa kriter të gazit lotsjellës dhe helmues.

Pas kësaj letre ka ardhur edhe reagimi i gazetares së kronikës, Anila Hoxhës. Në një postim në rrjetet sociale ajo ka shkruar se policia duhet të kërkojë falje realisht dhe jo në mënyrë patetike.

Po ashtu në këtë postim, gazetarja ka shkruar se Veliu duhet të kërkojë falje dhe të ulë kryet para atyre që neuroparalizuan nga gazi.

Gjithashtu Anila Hoxha në postimin e saj ka shkruar se i duhet kërkuar falje çdo qytetari të qetë dhe paqësor, që ligji i jep të drejtën për të protestuar dhe se gazi lotsjellës nuk lëshohet si t’u teket drejtueseve të policisë.

Postimi i plotë:

Nebi Hyskaj , ish polici te cilit ne 1997 ju vrane perkrah shoket ju rikthye policise. Ju lumte!Pavaresisht voneses,faleminderit qe nuk e harruat pergjithe jeten , ne cepin e te harruarve ! Ai eshte deshmitari i gjalle qe na rrefen se polici e ka vendin dhe shtepine ne polici, krimineli e ka vendin ne burg dhe deshmoret e policise e kane vendin edhe ne ndergjegjjen tone, per tna kujtuar se kemi pergjegjesi per jeten qe ju rrembye cdonjerit … Por nderkohe ne te njejten dite, police te rinj qe kane shume rruge per te bere perpara, shperndanin leter faljen e drejtorit te pergjithshem. Lutja e faljes ju drejtohet bizneseve dhe klienteve qe diten e protestes para parlamentit u sulmuan me gaz lotsjelles. Patetike ! ! Se pari drejtori i pergjithshem i policise tu kerkoje falje publike madje te veteve, policeve qe ruajne rendin dhe qetesine orar pa orar dhe pikerisht me firme te tij nuk ju paguhen oret shtese. Tju kerkoje falje dhe te ule kryet para tyre, qe u neuroparalizuan nga gazi, njesoj si cdokush qe gjendej ate dite ne proteste. Ti kerkoje falje vetes si drejtor i pergjithshem i policise se shtetit qe para se te urdheronte bashke me te tjeret leshimin e gazit lotsjelles duhet te lexonte edhe njehere ligjin dhe rregullat . Si me poshte; “VKM 730 date 28.05.2008 dhe nje VKM tjeter me Nr.293 date 08.04.2015 “Per miratimin e llojeve te armatimit,te lendeve neuroparalizuese dhe mjeteve te tjera te perdorimit te forces nga Policise se Shtetit”, “Rregullorja e Funksionimit te Forcave Levizese Operacionale Nr.146 date 09.04.2013”, “Procedura Standarde te Punes te Strukturave te Rendit dhe Sigurise Publike Nr.253 date 15.03.2017 “,“Per planifikimin e sherbimeve te policise gjate zhvillimeve te tubimeve”. Por mbi te gjitha cdo qytetari te qete dhe paqesor qe pikerisht ligji i jep te drejten per te protestuar. Gazi lotsjelles nuk leshohet si ti teket drejtuesve te policise, ka procedura dhe duhet te ezaurohen disa etapa. Perse egziston reparti i nderhyrjes se shpejte? Perse i vendosni kordonet? Perse instalohen mjetet ujehedhese? Kur hidhet gaz lotsjelles dhe ne perpjestim me cfare veprimesh nga ana e protestuesve? Kerkim falja duhet tu drejtohej po ashtu cdo kalimtari te rastesishem, cdo punonjesi te medias dhe cdo polici te ardhshem qe frymezohet nga heronjte e deshmoret dhe ka veshur uniformen ti sherbeje atdheut. Dhe ne fund, kur kerkohet falje kuptimi eshte se pranohet qe eshte gabuar.”