Presidenti i vendit Ilir Meta ka reaguar sërish lidhur lidhur me çështjen Cakaj, ku deklaron se Ministria e Jashtme nuk mund të jetë një autoshkollë.
Meta shprehet se PS-ja ka kapacitete të shumta brenda vetes, që mund ta bëjnë më së miri detyrën e Ministrit të Jashtëm.
Deklaratat e Metës vijnë një ditë pas daljes së Ramës në emisionin Zonë e Lirë, ku kërkoi që presidenti i vendit të mos merrej seriozisht.
Reagimi i presidentit Meta:
Sot, në momente të rëndësishme të sfidave tona rajonale, Ministria për Europën dhe Punët e Jashtme e Shqipërisë nuk mund të kthehet në autoshkollë, ku ustai i madh kërkon të mësojë “gjeniun” si të ndryshojë kufijtë e të gjithë Ballkanit Perëndimor.
Partia Socialiste ka kapacitete të jashtezakonshme në fushën e politikës së jashtme dhe Shqipëria ka shumë diplomatë të sprovuar, të cilët mund të vendosen në drejtimin e politikës sonë të jashtme, pa kaluar nga autoshkolla e ndryshimit të kufijve në gjithë Ballkanin Perëndimor.
Shqipëria do jetë gjithmonë faktor paqe e stabiliteti në rajon. Shqipëria do ketë një lidership të besueshëm edhe në kryesimin e OSBE-së. SHQIPËRIA E PARA.