Partia për Drejtësi Integrim dhe Unitet ka reaguar pas vendimit të kryebashkiakut Erion Veliaj për të shkarkuar nënkryetaren Kozeta Mesiti dhe drejtorin e Tregjeve Sokol Hysën, pasi morën pjesë në protestën e opozitës.
Në një reagim në rrjetet sociale PDIU e cilëson këtë vendim si hakmarrës dhe qesharak.
“Vendim hakmarrës e qesharak i Erion Velisë. E drejta për të protestuar në ditë pushimi, është e drejta e çdo qytetari që ka lindur para Lali Erit, që mendon që nënkryetaren e Bashkisë dhe një grusht të mbeturish të punësuar në bashki i ka peng…
Keqardhje për 12 mijë votat dhe 3 këshilltarët e PDIU-së që e kanë mbështetur deri më sot.
Bashkia është e qytetarëve dhe jo e partisë.
Erion Veliaj është shpejt të sillesh si Kryeministri…!”-thuhet në reagimin e PDIU-së.