Motra e aktorit Amos Zaharias, Elia mban titullin princeshë pasi është martuar me Princ Lekën. Kjo gjë e bën kont vëllain e saj.
I ftuar në emisionin “Mos i fol shoferit” në RTV Ora, ai u shpreh gjithë humor se është kont pa dashnore. Pas kësaj zbuloi se është i dashuruar kokë e këmbë dhe tepër i lumtur me artisten Gigliola.
Amos Zaharia:Unë i bie të jem kont. Konti Amos Zaharia, por nuk kam shumë dashnore. Vetëm një dashnore që është e dashura që e dua shumë, që është Gigliola.
Pyetje: Sa mirë që e the se do të të kishte hyrë në drru (qesh).
Amos Zaharia: E thashë sa për publikun këtë.
Pyetje: Ku jeni njohur?
Amos Zaharia: Jemi njohur në Facebook.
Pyetje: Cfarë planesh keni, do martoheni?
Amos Zaharia: Plani i vetëm është që unë e dua dhe besoj se ajo me do. Nëse në të ardhmen do vazhdojmë të duam njëri-tjetrin, mbase do krijojmë familje. Nuk duhet të jepen premtime kur premtimi i takon ca ndjenjave që nuk kanë të bëjnë me logjikën. Nuk di cfarë do dua pas 5 vjetësh, ndonëse e kam dëshirën. Do dua ta dua edhe pas 5 vjetësh dhe të krijoj familjen me të sepse është njeri shembullor, do familjen, më do mua.
