Blendi Fevziu e ka vendosur: përtej profilit serioz që duhet të mbajë nga profesioni i tij, ai s’ka ndërmend të mos argëtohet me të gjitha meme-t që faqet e Instagramit bëjnë për të.
Që prej ditës së djeshme gazetari i njohur ka bërë repost çdo modifikim që i kanë bërë fytyrës së tij kryesisht me fenomenin e rekordit të vezës dhe sfidës “#10yearschallenge”.
Në këtë mënyrë, Blendi po na tregon se shaka të tilla Interneti i merr me pozitivitet dhe madje i ka bërë disa prej tyre edhe pjesë të emisionit “Opinion” teksa është shprehur se krijuesit e fotove të tilla komike, janë vërtetë kreativë dhe humori i tyre është pikant.
Duket se së fundmi, këtu në Shqipëri po jetojmë në një “valë meme-sh” që u bë më gjithëpërfshirëse edhe në sensin e grupmoshave, sidomos pas protestës së studenteve ku meme-t ishin elementet kyçe.
Sa më shumë të qeshim, aq më mirë është!