Një tufë dhish janë parë duke pushtuar rrugët e Kalifornisë, shtet i SHBA-ve, në kohën kur në periudhë pandemie njerëzit janë izoluar si pasojë e masave të ndërmarra për luftimin e transmetimit tek njerëzit.
Pamjet janë incizuar nga një kalimtar rasti, në të cilën shihen tufat e dhive duke ardhur nga hapësirat e gjelbruara për në rrugët e asfaltuara të Kalifornisë. Ato janë publikuar nga mediumi britanik The Independent në llogarinë zyrtare të tyre në rrjetin social ‘Facebook’. Videoja ka marrë qindra komente e reagime, si dhe është shpërndarë 47 herë.