Kina ditën e sotme ka deklaruar se dy ekspertë të Organizatës Botërore të Shëndetësisë kanë mbërritur në Kinë për të hetuar origjinën e Covid. Në një konferencë për shtyp zëdhënësi i Ministrisë së Jashtme në Kinës, Hua Chunying tha: “Dy ekspertë nga Organizata Botërore e Shëndetit arritën në Kinë për të kryer hetime mbi origjinën e COVID”.
Kreu i OBSH Tedros Adhanom Ghebreyesus tha se dy ekspertë po shkonin në Kinë për të bashkëvepruar me shkencëtarët atje për të studiuar transmetimin e koronavirusit nga kafshët te njerëzit.
Ende nuk ka detaje rreth programit që do të ndjekin ekspertët e OBSH gjatë qëndrimit të tyre në Kinë. Deri më tani koronavirusi në mbarë botën i ka marrë jetën 572,845 personave, ndërsa janë infektuar 13,110,448 të tjerë.
