Prezenca e COVID-19 në jetët tona na ka privuar nga shumë aktivitete të përditshme. Takimet janë reduktuar, festat, sjelljet dhe përditshmëria ka marrë një tjetër rrjedhë. Këto komponentë kanë prekur drejtpërdrejt individët, të cilët jo pak herë, ngarkohen emocionalisht si pasojë e situatës kaotike që po përjeton bota. Ambientalisti Sazan Guri, i ftuar në studion e emisionit “Ftesë në 5”, tregoi disa “truke” që njerëzit ta kalojnë sa me më pak tension këtë periudhë pandemie. Guri sugjeroi sa më shumë joga, gjithashtu dhe reduktimin e lajmeve në lidhje me sëmundjen. Sazan Guri tha ndër të tjera se kohët e fundit, po gjenden më së shumti farmaci se sa dyqane buke. E këto ndryshime sipas tij ndikojnë në gjendjen emocionale të qytetarëve.
“Më pëlqen kjo temë që të marrim masa që njeriu ta vuaj sa më pak këtë pandemi. Mua më ndihmon shumë doktrina e jogës, 20 vite më parë kam aplikuar një mjekim tjetër, unë në atë mënyrën time e zbatoj dhe ndihem mirë. Doktrina tjetër është që të mbajmë një qëndrim për ndotjen e mjedisit. Kjo më ka dhënë një lloj kulture. Pyetjes se përse femrat infektohen më pak, mendoj se ka një lidhje të madhe që këto tetë muaj dihet që mëlçia jep një adrenalinë që është helm dhe e rrezikshme.
Në këto tetë muaj ky lloj mediatizimi është negative, vdekjet numërohen, rastet gjithashtu. Shqipëria ka 1000 vdekje nga ndotja e ajrit. Në këto 8 muaj që mëlçia ka prodhuar aq shumë adrenalinë. Jeta e mbyllur, jetë e shkurtuar, takime të zbehta, të gjitha të reduktuara. Adrenalina 8 muaj është hedhur me tepricë në tru. Kemi më shumë farmaci se dyqane buke”, tha Guri.
