Situata e Covid-19 në vendin tonë vijon që të jetë shumë shqetësuese. Ndërkohë që në qytetin e Beratit, Covid-19 ka prekur edhe numër shumë të lartë të mësuesve. Raportohet se në qytetin e Beratit kanë rezultuar pozitivë, 1 mësues tek shkolla jo publik e “Irfan Ngjeqari”, 1 mësues në shkollën 9-vjecare në fshatin Laparadha, 2 punonjës të ASHK-së Berat, 1 punonjëse banke, 1 punonjës i OSHE-se,1 sanitare në një lokal në Berat.
Ndërkohë në Urën Vajgurore kanë rezultuar pozitiv, 1 mësues tek shkolla “5 Maji”, 1 punonjës në bashkinë Ure-Vajgurore. Sakaq në Skrapar ka rezultuar i preku një punonjës policie.
Kujtojmë se për herë të parë në vendin tonë është shënuar shifra më e lartë e personave të prekur me Covid-19, ku në 24 orët e fundit janë regjistruar 421 raste të reja. Ministria njofton po ashtu se 7 pacientë kanë ndërruar jetë, ndërkohë që të shtruar në spitale janë 346 persona.
Me gjithë përpjekjet e mjekëve, në 24 orët e fundit, kanë humbur jetën 7 qytetarë me Sars-Cov2 pozitiv në spitalet Covid: një 58 vjeçare, një 59 vjeçar, një 63 vjeçar, një 78 vjeçar nga Tirana, një 67 vjeçar nga Lushnja, një 70 vjeçar nga Durrësi një 76 vjeçar nga Skrapari, me sëmundje bashkëshoqëruese. Aktualisht në 3 spitalet Covid, po trajtohen 346 pacientë, 10 në terapi intensive nga të cilët 4 pacientë janë të intubuar.