Valentina Ibrahimi, 24-vjeçarja shqiptare nga Ferizaj, para disa ditësh ishte diagnostikuar me leukemi akute.
Ajo nuk mundi t’i përballojë sëmundjes dhe humbi jetën dje. 24-vjeçarja ka humbur jetën në njërin nga spitalet e Turqisë ku ishte duke marrë trajtim mjekësor. Lajmin për humbjen e Valentinës e ka konfirmuar motra e të ndjerës për Gazetën Express. Për shërimin e saj u deshën rreth 300 mijë euro, ku Ministria e Shëndetësisë ka ndarë 30 mijë euro, kurse për mbledhjen e mjeteve tjera financiare u angazhuan shumë qytetarë.