fbpx
Covid-19

Infektivi dhe Sanatoriumi mbushen plot me pacientë, ja çfarë pritet të ndodhë të hënën

Kapacitetet në spitalet Covid 1 dhe 2 janë drejt ezaurimit. Burime për Fax News bëjnë me dije se të hënën do të hapet Covid 3 për të trajtuar pacientët e infektuar. Situata në spitalin Infektiv në Tiranë duket se ka arritur pikën e vlimit, ku në ditët e fundit është vënë re një rritje e ndjeshme e numrit të urgjencave dhe personave që kërkojnë trajtim.

Mësohet se ditën e mërkurë në COVID 1 janë paraqitur 33 raste urgjencash, ndërsa sot 7 autoambulanca ndodheshin para spitalit, ku kanë sjellë dhe kanë marrë pas pacientë. Aktualisht në spitalin Infektiv ka 30 shtretër të lirë, ndërsa tek “Shefqet Ndoqi”, 40, ndërsa prej kohësh mjekët janë duke punuar me sforco për përballimin e të gjitha rasteve.

Kujtojmë se dje u regjistruan 302 raste me COVID-19, ndërsa 3 persona humbën jetën, ndërkohë që numri total i jetëve të humbura që prej fillimit të pandemisë ka shkuar në 465. Një problem serioz përveç ezaurimit të kapaciteteve në spitale, mbetet dhe trajtimi i personave që kurohen në shtëpi, kostot e të cilëve nuk mbulohen nga ana e qeverisë.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button