Covid-19

Ndihma e SHBA-së për pandeminë po vihet në përdorim

Ambasadorja e SHBA-së në Tiranë, Yuri Kim, e shoqëruar nga zëvendësministrja e Shëndetësisë, Mira Rakacolli, nga mjeku Kapisyzi dhe drejtori i UNICEF-it në Shqipëri, Roberto De Bernardi, vizituan sot maternitetin “Koço Gliozheni” dhe patën mundësinë të shohin sesi ndihma e SHBA për Shqipërinë po vihet në përdorim.

Shtetet e Bashkuara kanë dhënë më shumë se 2 milionë dollarë për Shqipërinë në përgjigje të pandemisë COVID-19, duke përfshirë 10 inkubatorët, 10 tavolinat e reanimacionit, 12 ngrohësit dhe 10 llampat fototerapie për njësinë e kujdesit intensiv për të sapolindurit në spitalin “Koço Gliozheni” që janë dhuruar.

Ambasada Amerikane e vlerëson kontributin dhe përkushtimin e mjekëve, infermierëve dhe punonjësve të kujdesit shëndetësor në të gjithë Shqipërinë, të cilët kanë qenë në vijën e parë duke luftuar pandeminë. “Krah për krah do ta kalojmë edhe këtë”, thekson Ambasada e SHBA-ve. 

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: