Mëngjesin e sotëm ka ndërruar jetë Reshat Grembi, 69-vjeçari nga Fieri i cili u hodh nga kati i dytë i spitalit në Infektiv, pasi ishte i prekur nga Covid-19. Familja në Fier, ka hapur dyert e mortit, ndërkohë që në lagje dhe në familje ka pllakosur zia. Nipi i 69-vjeçari në një prononcim për Fax News, ka shpërthyer në akuza se ai ka ndërruar jetë nga Covid-19 , ndërkohë që ende nuk i ishte bërë tamponi.
“Vdiq nga Covid-19, pa ju bërë tampon. Asnjë konfirmim nga spitali si ndodhi. Nuk kemi fuqi të zbardhim të vërtetën . 5 dite xhaxhai u mjekua nga mjekja e lagjes. Ishte me temperaturë 40 dhe më pas ikëm në Fier.
I bëmë serum në Fier dhe na thonë çojeni në shtëpi. Kërkuam tampon, nuk ja benë. E sjellim në shtëpi, sërish ishte me temperaturë. Sërish kërkuam tampon dhe nuk ja bënin. Pas skanerit na thonë ka Covid-19, pa i bërë fare tampon. Djali nga gjermania foli në telefon dhe ai i tha se eshte ne gjendje te rende. Ai qëndroi 6 orë në Infektiv pa asnjë shërbim, vajti në 2 pas mesnatës dhe në 8 të mëngjesit u hodh”.- tha nipi.
Ndërkohë që vajza e të moshuarit ka deklaruar se e kanë çuar me urgjencë në Tiranë dhe se babai i saj ka qëndruar 6 orë në korridor pa mjekim. Sakaq djali i tij nga Gjermania kur ka komunikuar në telefon me të atin, i ka thënë se është në gjendje shumë të rëndë.
