Një qendër vaksinimi kundër Covid-19 në Surrey të Britanisë së Madhe gjatë ditës së sotme është përfshirë nga flakët, fatmirësisht nuk ka pasur të lënduar ndërsa shkaqet e zjarrit janë ende të paqarta. Njerëzit të cilët ishin duke pritur në radhë që të vaksinoheshin janë detyruar të largohen me shpejtësi.
Shkaqet e zjarrit në këtë qendër janë ende të paqarta, ndërkohë që raportohet se fatmirësisht nuk ka pasur asnjë person të lënduar. Zyrtarët e shëndetit publik në Surrey sigurojnë qytetarët se vaksinimi do të fillojë shumë shpejt dhe se dozat që ndodheshin në këtë qendër u nxorën pa u dëmtuar.