Covid-19

Pneumologu flet për vaksinat: Është armà që duhet ta shfrytëzojmë!

Në ditët e sotme përdorimi i maskës është bërë i domosdoshëm për tu mbrojtur nga Covidi. Por mjeku pneumolog, Ardian Jorgji thotë se për format e reja të virusit, maskat aktuale nuk janë efikase. “Për format e reja, maskat aktuale nuk janë efikase. Ka filluar të diskutohet në gjithë botën dhe të shohim si do ndryshohet lloji i maskës”, u shpreh mjeku.

Ndërsa për imunitetin pas kalimit të Covidit, mjeku tha: “Opinioni që dominon është 2-3 muaj. Kjo deri tani, por do të shohim në të ardhmen. Kjo është për Covidin klasik, por format e reja jo. Për format e reja, të infektuarit po ndodh të riinfektohen”.

Sa i takon vaksinave, mjeku tha se për momentin është arma që duhet të shfrytëzohet, pavarësisht se një vaksinë ideale ende nuk ka. “Vaksina ideale do vonohet të vijë. Është një armë që duhet ta shfrytëzojmë. Edhe për format e reja po diskutohet efikasiteti i vaksinave, kështu që vigjilenca nuk duhet humbur”, u shpreh mjeku Jorgji.

Artikuj të ngjashëm

Leave a Reply

Your email address will not be published.

Back to top button
Close