Nënkryetari i Lëvizjes Socialiste për Integrim, Petrit Vasili, është infektuar me koronavirus. Ditët e fundit, ka patur spekulime në disa media, lidhur me gjendjen e tij shëndetësore. I pyetur nga TPZ.al, lidhur me këtë çështje, Vasili ka thënë se ndihet mirë. “Jam top fare“, kjo ishte përgjigja e nënkryetarit të LSI-së.
Përveç Petrit Vasilit, një numër politikanësh të lartë janë infektuar me Covid-19 në Shqipëri, ku përfshihen Blendi Klosi, Damian Gjiknuri dhe Belinda Balluku.
Shifrat e infektimeve janë rritur shumë së fundmi dhe ditën e sotme kanë humbur jetën si pasojë e kësaj sëmundje 12 qytetarë dhe janë infektuar 525 të tjerë. Kjo e ka detyruar të ashtuquajturin “Komitet të Ekspertëve”, të lajmërojnë masa dhe kufizime të reja, në përpjekje për të frenuar përhapjen e virusit. Masa e propozuara nga Komiteti i Ekspertëve:
- Kufizimi i lëvizjes nga ora 22:00 – 06:00 në të gjithë vendin, me përjashtim të lëvizjes për motive pune, emergjenca shëndetësore apo nevoja të domosdoshme.
- Ndalohen aktivitetet e bareve – restoranteve nga ora 22:00 – 06:00 (përvec shërbimit delivery).
- “Smart-working” për administratën publike (sipas specifikës së sektorit) në zbatim të protokolleve të sigurisë. Përjashtim bëjne strukurat ofruese të shërbimeve duke zbatuar protokollet e sigurisë /TPZ.al/
