A do të bënit një vaksinë anti-Covid, në këmbim të një stimulit? Kjo është oferta që një politikan amerikan po propozon të joshë popullatën që të vaksinohen. Ish-kongresmeni demokrat dhe kandidati për president John Delaney, ka sugjeruar t’u japë amerikanëve që janë të gatshëm të marrin vaksinën, një stimulim prej $ 1,500.
“Sa më shpejt të vaksinohemi, 75 për qind e këtij vendi, aq më shpejt i japim fund Covid dhe sa më shpejt, gjithçka i kthehet normalitetit”, tha Delaney në një intervistë me CNBC.
Si fillim ai e sugjeroi idenë në Twitter muajin e kaluar. Propozimi përballet me disa pengesa të mëdha, duke marrë parasysh që Kongresi ende nuk ka arritur një marrëveshje mbi një paketë të re stimuluese mes pandemisë.
Vaksina COVID-19 do të jetë në dispozicion së pari për grupet me rrezik të lartë. CDC ka përcaktuar se si do koordinohen operacionet e kujdesit shëndetësor, zbatimi i ligjit, reaguesit e parë, edukatorët, prodhuesit e ushqimit, industria bujqësore, sektori i energjisë, menaxhimi i ujit, transporti, punët publike, shërbimet e strehimit dhe lista vazhdon. Më pak se një javë më parë, vaksina e Pfizer do të shkojë para FDA për miratim. Zyrtarët thonë se sapo të miratohet, vaksina do të shpërndahet në të gjithë vendin për disa orë./ Fox5ny/