Në një kohë kur disa shtete të Europës kanë përgatitur masat kufizuese për bllokimin për herë të dytë nga koronavirusi, në Shqipëri nuk kanë të sosur skandalet e qeverisë. Mjeku Renato Osmenaj, i njohur me pseudonimin si “Xhaxhi Doktori” ka publikuar recetën që i jepet nëpërmjet aplikacionit “WhatsApp” një pacienteje që nuk ka shenja të sëmundjes së Covidit, por është asimptomatike.
“Rubrika” Sqarojmë komitetin”. Recetë e dhënë nga nga dikush me gradë shkencore në sanatorium tek nje paciente asimptomatike”, shkruan mjeku Renato Osmenaj. “Recefin në venë, Levofloxacin në venë, Enoxapirin nën lëkurë, dexametazon ampulë, vitaminë C, Vitaminë D dhe Zinc”, janë ilacet që sugjerohen nga një mjek i spitalit “Shefqet Ndroqi”, i njohur ndryshe si Covid. Ajo që është për tu shqetësuar është se pacientët asimptomatikë marrin receta me injeksione për tu kuruar nga Covidi.
Kujtojmë se ditën e sotme, Preng Gjonaj, 52-vjeç ka humbur jetën në spitalin “Shefqet Ndroqi”, pasi u hodh nga kati i katërt i ndërtesës ku ndodhej i shtruar. Gjonaj, ishte duke u trajtuar prej një jave në këtë spital, ndërsa kishte shfaqur simptoma të rënda të Covid, dhe gjendja e tij paraqitej serioze.
52-vjeçari bëhet kështu pacienti i tretë që i jep fund jetës, teksa përballet me Covid në spitalin “Shefqet Ndroqi”, brenda pak muajve, ndërsa më herët ka vdekur dhe një 65-vjeçar nga Klosi, si dhe një 29 vjeçar nga Durrësi. (A.M/Faxweb.al)