Në Francë dhe Japoni janë konfirmuar rastet e parë me variantin britanik të SARS-CoV-2. Prestigjozja franceze “Le Monde” raporton se rasti u zbulua të premten, dy ditë para nisjes së fushatës së vaksinimit në vend. Rasti u konfirmua në Tours, tek një person i cili banon zakonisht në Mbretërinë e Bashkuar. Ai është është asimptomatik dhe është izoluar në shtëpinë e tij, tha ministria e shëndetësisë, e cila njoftoi rastin e parë. Burri kishte mbërritur nga Londra në 19 dhjetor dhe u u testua dy ditë më vonë, ku rezultoi pozitiv për koronavirusin. Mjekët dyshonin se ai është prekur nga varianti i SARS-CoV-2, dhe iu nënshtrua testit specifik ku rezultoi të jetë infektuar me variantin e ri.
Japonia ka shmangur numrin e madh të infeksioneve të parë në vendet nga SHBA në Evropë , por rastet po rriten ndjeshëm dhe numrat ditorë kaluan 3,000 për herë të parë këtë muaj. Pesë personat e infektuar me llojin e ri të Covid-19 kishin arritur të gjithë së fundmi nga Britania e Madhe. Sipas disa studimeve të paraqitura në Britani, varianti i ri i koronavirusit është më ngjitës sesa lloji origjinal.
