Degj.eneron PD në Shkodër, i dën.uari për djegien e shkollës sulmon më fjalor rruge Rudina Hajdarin

Opozita e partisë demokratike në Shkoder ka degraduar deri në atë pikë, sa tashmë nuk përmbahet dhe i versulet edhe atyre që deri dje i kishte deputet në gjirin e saj. Rasti i së enjtes kur deputetja Rudina Hajdari u sulmua me një fjalor rruge nga një i ri, anëtar i forumit rinor të partisë demokratike dhe një ish i proçeduar penalisht për djegien e kësaj shkolle, ishte shembulli më i shëmtuar se si të rinjtë përdoren deri në atë pikë, sa të humbin cdo vlerë. Fation Mani, i cili qartazi në rrjetet sociale nuk e fsheh bindjen e tij politike dhe aktivizimin e tij në strukturat e kësaj partie, i dha një shuplake të fortë kauzave që deri më sot ka marrë opozita në Shkoder. Pyetja që lind në të tilla situata është se cfarë fiton PD me këto insinuata që krijon? Kaq frikë përbën për këtë parti ardhja e një deputeteje të re që doli nga radhët e saj sepse nuk ndoqi liderin? Cili ishte mesazhi që donte ti përcillte rinisë, vetë PD me këtë të ri kamikaz që shpejtoi të ofendonte një të zgjedhur, një grua, nënë, vajzë e motër të dikujt. Natyrisht që i riu në fjalë as vetë nuk e ka ditur se cfarë po bën realisht, pasi siç bën cdo “kamikaz”, shkon të hidhet në erë, pa e ditur se ke po mbron dhe cfarë po mbron. Nëse opozita e Shkodres ka përfunduar të shkojë deri në këtë pikë, atëherë gjendet me vend shprehja “Bir selmani nënës kë të qaj më parë”! Partisë demokratike i nevojitet me urgjencë një kurs i ri sa nuk është vonë, pasi me këto shfaqje rrezikon shumë nga kauza e saj, e cila asesi nuk duhet të përfundojë deri në këtë gjendje.Shkodranews