Policia ka arrestuar një 14-vjeçar, i cili grabiti një automjet dhe tentoi të largohej.
Mësohet se efektivët, sapo janë njoftuar për vjedhjen e automjetit në lagjen ‘11 Janari’ në Fier, kanë ndërhyrë duke bërë të mundur ndalimin e autorit.
Sipas uniformave blu, dyshohet se 14 vjeçari me ndihmën e dy të miturve të tjerë ka vjedhur edhe 3 automjetet të tjera gjatë 2 muajve të fundit.
“Në vijim, nga veprimet hetimore të kryera rezultoi se ky shtetas, në bashkëpunim me 2 të mitur të tjerë (të proceduar penalisht më parë, në gjendje të lirë), ka vjedhur gjatë periudhës gusht-shtator 2023, dhe 3 automjete”, informon policia.
Për shkak të moshës së tij, veprimet procedurale thuhet se janë kryer në prani të avokatit, psikologut, punonjëses së NJMF-së dhe kujdestarit ligjor të 14-vjeçarit.
Me cilësinë e provës materiale janë sekuestruar 4 automjetet e vjedhura. Vijojnë hetimet për të zbardhur vjedhje të tjera që mund të kenë kryer këta të mitur.
Njoftimi i Policisë:
U kap në flagrancë teksa largohej me një automjet që sapo kishte vjedhur, ndalohet 14-vjeçari.
Nga hetimet rezultoi se 14-vjeçari dhe 2 të mitur të tjerë, gjatë këtyre 2 muajve, kanë vjedhur dhe 3 automjete.
Sekuestrohen 4 automjetet e vjedhura.
Sapo janë njoftuar për vjedhjen e një automjeti, në lagjen “11-janari”, punonjësit e Patrullës së Përgjithshme të Komisariatit të Policisë Fier kanë ndërhyrë dhe kanë bërë të mundur ndalimin e autorit të këtij rasti, një 14-vjeçar, i cili u kap në flagrancë, ndërkohë që po largohej me automjetin që kishte vjedhur.
Në vijim, nga veprimet hetimore të kryera rezultoi se ky shtetas, në bashkëpunim me 2 të mitur të tjerë (të proceduar penalisht më parë, në gjendje të lirë), ka vjedhur gjatë periudhës gusht-shtator 2023, dhe 3 automjete.
Me cilësinë e provës materiale janë sekuestruar 4 automjetet e vjedhura.
Veprimet procedurale me 14-vjeçarin janë kryer në prani të avokatit, psikologut, punonjëses së NJMF-së dhe kujdestarit ligjor të 14-vjeçarit.
Vijojnë hetimet për të zbardhur vjedhje të tjera që mund të kenë kryer këta të mitur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
