Radhë kilometrike e automjeteve është krijuar mëngjesin e kësaj të diele në rrugën e Kombit. Gazetari i Fax News, Ermal Hallaçi bën me dije se shkaku i trafikut është për shkak të rrezes të ngushtë të hyrjes në Urën e Drinit të Zi.
Fluksi më i madh i automjeteve është krijuar në aksin rrugor Morinë –Kukës, ku një pjesë e madhe janë pushues nga Kosova. Para disa ditësh, Kakavija ishte tema më e nxehtë për shkak të radhës së automjeteve që kishte arritur deri në 25km.
Arsyeja ishin tamponet që duhet të realizoheshin nga pala greke dhe ulja e traut pasi u plotësuan kuotat. Falë dakordësisë mes shtetit shqiptar dhe grek, u bë i mundur kalimi i automjeteve pas disa ditësh vuajtje dhe vështirësi për qytetarët shqiptarë e të huaj.
