Kulture

10 vjet pa aktorin e madh të humorit vlonjat, Leka Kruta

Mbushen 10 vjet pa aktorin e madh të humorit vlonjat, Leka Kruta. Në këtë kuadër sot, është organizuar një aktivitet përkujtimor, organizuar nga vajza e tij, Renata Kruta, me mbështetjen e Bashkisë së Vlorës. Kurora dhe buqeta me lule, si dhe disa fotografi nga aktiviteti ndër vite i Krutës, janë ekspozuar në hollin e teatrit “Petro Marko”, aty ku “babai i humorit vlonjat”, ushtroi aktivitetin e tij të përditshëm.

Renata Kruta, është shprehur mjaft e emocionuar në këtë përvjetor të babait të saj, teksa tha se Leka Kruta, ishte jo vetëm një artist me vlera të jashtëzakonshme, por edhe një familjar dhe prind i përkushtuar.

Ndërsa drejtori i Artit dhe Kulturës në Bashkinë e Vlorës, Skënder Spahiu, teksa vlerësoi figurën dhe kontributin e Krutës, përshëndetit edhe në emër të kryebashkiakut, Dritan Leli. Leka Kruta u lind në Vlorë në 19 shtator 1927. Kruta është ndër themeluesit e Estradës Profesioniste të Vlorës.

Në jetën e tij të gjatë krijuese ka interpretuar në 150 premiera me rreth 800 personazhe. Historia e Trupës së Estradës Profesioniste të Vlorës, është e lidhur ngushtë me emrin e Leka Krutës.

Për këtë kontribut përgjatë karrierës 40-vjeçare, Kruta është vlerësuar me tituj nderi, si: “Artist i Merituar”, “Qytetar Nderi i Vlorës”, por edhe me Urdhrin “Naim Frashëri i Artë”, akorduar nga Presidenti i Republikës.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: