Nga Dritan Leli
Miqtë e tim eti, miqtë e detit, zgjodhën Vlorën për të ekspozuar arkivën fotografike të detarisë shqiptare. Festa e Pavarësisë, por edhe kontributi i flotës detare të Vlorës, asaj tregtare dhe asaj ushtarake, ishin arsyeja pse Shoqata Detare Kombëtare Adrijon zgjodhi të ndalet këto ditë në Vlorë. Çdo shtëpi, në një mënyrë a një tjetër, në një kohë a një tjetër, ka qenë e lidhur me shërbimin detar, ndërsa secili prej nesh, në çdo kohë, ka qenë i lidhur me detin, prandaj historia duhet njohur që nga fillimi.