Artisti dhe komediani i njohur, Zef Deda feston sot 70-vjetorin e lindjes. Një urim të veçantë ka marrë edhe nga Presidenti i vendit, Ilir Meta. Përmes një postimi në rrjetet sociale, teksa e cilëson Zef Dedën si “Charlie Chaplini” shqiptar, kreu i shtetit, Meta i uron ditëlindjen me bejte shkodrane komedianit.

“Ke lind në ditë të qejfit”, shkruan Meta ndër të tjera.

URIMI I PLOTË Urimet më të përzemërta me rastin e 70-vjetorit të lindjes “Charlie Chaplinit” shqiptar, komedianit dhe artistit tonë të shquar, Zef Deda! Jetë të gjatë Mjeshtër, me shëndet të plotë dhe përherë me humorin fin shkodran pranë spektatorit! 💐 Faleminderit për çdo emocion dhe buzëqeshje që na ke dhuruar! “Dita e mirë shifet nadje, E ti ke le bash n’ditë t’qejfit!” 🤣