Categories Kulture

Nga hamall e biletashitës, u bë ‘Nderi i Kombit’, Artisti i Popullit KADRI ROSHI

Kadri Roshi lindi më 4 janar 1924 në Ballsh të Mallakastrës, i biri i Maksut dhe Sabrie Roshit, me prejardhje nga Libohova. E ëma i vdi.q kur ishte 2 vjeç dhe më pas kur ishte 12 vjeç humbi dhe te atin.

Përfundoi studimet e larta në Pragë në vitin 1951. Ai, e filloi karrierën e tij si aktor në Teatrin Popullor në moshën 21-vjeçare duke qenë një ndër krijuesit e këtij teatri.

Ai numëronte rreth 180 role në skenë dhe kinematografi, të cilat përbëjnë një jetë të madhe artistike, ku ndërthuren vështirësitë e një jete prej jetimi, çiraku, portieri kinemaje dhe deri tek aktori origjinal me portretin e njeriut të fisëm.

Në krah ka pasur gjatë gjithë kohës aktorët e brezit të tij Drita Pelingu, Violeta Manushi, Tinka Kurti, Margarita Xhepa, Ndriçim Xhepa, Reshat Arbana, Sulejman Pitarka, Robert Ndrenika, Marika Kallamata, etj.

Nga shumëkush është konsideruar si legjenda e skenës dhe ekranit shqiptar. Ai ka qënë një aktor brilant dhe me një talent të lindur. Në vitin 1995 është nderuar me Çmimin e Karrierës në Festivalin e Filmit Artistik, në vitin 1997 me Çmimin e Madh të Nderit.

Ai është “Nderi i Kombit” nga viti 1999. Emri i Kadri Roshit është një kolos për filmin dhe teatrin shqiptar, ku ai la figura të spikatura që nuk do të harrohen kurrë.

Për Kadri Roshin fatmirësisht ka një film dokumentar, ai “Butrinti i gjallë”, i shfaqur si premierë për 10-vjetorin e vd,ekjes së aktorit në sallën e Teatrit Kombëtar që mban emrin e tij.

Si një rrëfim autobiografik filmik, i kombinimit të roleve dhe komenteve për to, udhëtimeve në vendlindje apo në vende që i përkasin e përjetimeve, që skenaristi dhe regjisori Petrit Ruka ia ka marrë aktorit që mban titujt “Artist i Popullit” dhe “Nderi i Kombit”, në vitin 1998.

Jetim, pa nënë e babë, me 4 klasë arsim edhe pse me 18 arsimtarë në fisin e tij të Roshëve të Libohovës, Kadri Roshi u lind dhe u rrit mes dashurisë së mallakastriotëve.

U vërvit në vitet e lu ftës për të mbijetuar duke provuar çdo punë për bukën e gojës; hamall, pastrues, kamarier apo edhe biletashitës kinemaje që s’linte film pa parë.

Por, i mbijetoi gjithë vështirësive, deri edhe rrezikut të pushkatimit të rastësishëm, derisa pas luftës edhe pse i skualifikuar në sprovën e parë teatrale si i patalentuar, do të ishte një bursë në Zagreb, që do ta bënte atë dhe Lazër Filipin dy aktorët e parë të diplomuar shqiptarë, e të merrte me pasion rrugën e 180 roleve në teatër dhe kinema.

Filmat më të njohur për publikun shqiptar në të cilat ka interpretuar Kadri Roshi janë:

Tana (1958), I teti ne bronz (1970), Malet me blerim mbuluar (1971), Kur zbardhi një ditë (1971), Lulekuqet mbi mure (1976), Fije që priten (1976), Njeriu me top (1977), Gjeneral gramafoni (1978), Liri a vd, ekje (1979), Ballë për ballë (1979), Partizani i vogël Velo (1980), Dëshmorët e monumenteve (1980), Apasionata (1983), Fejesa e Blertës (1984), Rrethimi i vogël (1986), Kur ndahesh nga shokët (1986), Pesha e kohës (1988), Misioni përtej detit (1988).

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Kulture

Përkujtohet Kuvendi i Besës në Senicë

Në fshatin Senicë, të njohur si “ballkon” i krahinës së Rrëzomës, 254 vite më parë…

LEXO ME SHUME
Categories Kulture

Këngëtari grek u kërkon falje shqiptarëve: Faleminderit shumë! Disa herë Greqia ju ka lënduar

Këngëtari grek Andonis Remos ka dhënë një koncert mbrëmjen e djeshme në Pallatin e Kongreseve…

LEXO ME SHUME
Categories Kulture

Biblioteka Publike “Dritëro Agolli” Fier, pēr të tretin vit radhazi nderon me çmime lexuesit më të mirë të vitit

Biblioteka Publike “Dritëro Agolli” Fier, pēr të tretin vit radhazi nderon me çmime lexuesit më…

LEXO ME SHUME
Categories Kulture

Kadare nominohet për “The Booker 2024”

Në 2005 ishte fituesi i parë i këtij çmimi Shkrimtari i mirënjohur Isamil Kadare, nominohet…

LEXO ME SHUME
Categories Kulture

Punuan veprat kryesore të Muzeut Kombëtar në Krujë, 5 artistë nderohen me titullin “Qytetar Nderi”

Pesë artistë të mirënjohur të arteve figurative në vend u nderuan me titullin “Qytetar Nderi…

LEXO ME SHUME