iktori Leonardo Voci çeli së fundmi ekspozitën e tij vetjake në Sarandë me rreth 120 punime, kryesisht në teknikën e vajit.

Frekuentues të ekspozitës ishin dhjetëra artdashës, turistë vendas e të huaj.
Edhe në këtë ekspozitë Voci komunikon me publikun nëpërmjet dominimit të ngjyrave të miksuara dhe përcjell stilin e tij karakteristik modernist.

“I përkas artit modern abstrakt dhe formave të të pikturuarit që janë bashkëkohore dhe që aplikohen në Evropë dhe SHBA”, tha Voci.

“Nuk jam artist tematik dhe as politik. Kam ngjyrën dhe dua t’i flas publikut me ngjyra”, tha piktori Voci.

Sipas Vocit, kjo ekspozitë, udhëtoi drejt Sarandës, si një kumt mirësie dhe dashurie për këtë qytet dhe njerëzit e tij artdashës e mikpritës të tij.

Një kënd të veçantë zinin në këtë ekspozitë edhe motivet nga Saranda, punuar enkas nga autori për këtë paraqitje.

Në çeljen e ekspozitës kryebashkiaku i qytetit bregdetar Adrian Gurma e përgëzoi autorin për ekspozitën duke e vlerësuar si një ngjarje kulturore e një lloji të veçantë në vargun e shumë veprimtarive kulturore, që po organizohen gjatë këtij sezoni veror turistik në Sarandë.

Në harkun kohor të dhjetë viteve të fundit kjo është ekspozita e dytë e autorit e çelur në Sarandë si një bashkëpunim me bashkinë e qytetit dhe Qendrën Agjencia AJMMI./ATSH