Një rekord i ri Guinnes është vendosur nga TShane Johnson, marinsi amerikan, duke bërë 3 mijë e 50 pompa brenda një ore. Veterani nga Karolina e Veriut theu rekordin e mëparshëm prej 2 mijë e 900 pompash.

Mësohet se ai synonte të thyente edhe rekordin për sa më shumë pompa në 12 orë. Për këtë ai numëronte 19 mijë e 325 pompa por nuk ia doli. Mediat bëjnë me dije se ai kërkon të bëjë sa më shumë pompa për të shpëtuar jetë njerëzish.

Qëllimi i tij është të mbledhë para për të bërë bamirësi për personat me probleme me zemrën. Sipas mediave ndërkombëtare, Johnson përfundoi maratonën e tij 12-orëshe me 16 mijë e 400 pompa që ishte rekordi i vendit të dytë në këtë kategori.