Warren Buffett ka tentuar që ta bind Bill Gatesin që të shpenzoj afër 400 milionë dollarë për unazën e martesës, sipas librit “The Deals of Warren Buffett Volume 2: The Making of a Billionaire.”. Shefi i Berkshire Hathaway ka takuar Bill Gatesin e gruan e tij të ardhshme, Melindën, gjatë vizitës së tyre në Omaha në vitin 1993 për të blerë unazën e martesës.
Buffett i takoi ata në aeroport dhe i shoqëri deri te dyqani Borsheims, i cili ishte nën pronësinë e tij. Investitori i famshëm i tha Gatesit, njeriut më të pasur në botë, anëtarit të bordit të Berkshire e shokut të afërt të tij, se ai kishe shpenzuar 6% të pasurisë së tij neto, kur ishte martuar në vitin 1951, dhe se edhe Gates duhet ta bënte të njëjtën gjë.
Bill Gates në 1993-ën vlente 6.2 miliardë dollarë, sipas Forbes. Pavarësisht se nxitej nga Buffett, ai refuzoj që të shpenzoj 370 milionë dollarë, vlera e të cilave në ditët e sotme është afër 660 milionë dollarë.
“Ne nuk patëm një ditë aq të mirë sa që shpresoja”, me shaka komentoi Buffett. Bill Gates u martua me Melindën në vitin 1994 pavarësisht se nuk i bleu unazën qindra milionë dollarëshe, dhe ende janë së bashku edhe pas 25 viteve.