Categories Kuriozitete

Foto\ Si bëheshin pushimet e verës 30 vite përpara

30 vite më parë pushimet e verës ishin një muaj në fshat, ku do mbushje uje, do ngriheshe me natë, do merrje diell do mbidhje bizele e fasule kur ishin tharë, tek dëgjoje gjyshen që ngrihej e ndizte zjarr.

Të zgjonte kërcitja e drurit në oxhakë e petullat që piqeshin kërcë e asnjë dorë nuk i ngjante asaj. 30 vite më parë pushimet ishin te hidheshe në litar gjysmën e ditës, të djersiteshe e pluhroseshe dhe mamaja kërcënonte të të fuste në cezme e jo në vaskë.

Pushimet ishin të ndihmoje te beheshin riparime në shtëpi, të lyeje me gëlqere, të kujdeseshe për vreshtin , lulet , të mesoje të korrje e të punoje me lopatë. Ishin të shkoje në plazh me familjen , të luaje me top në plazh, të bëje gare kush notonte më thellë, e kush në ujë mbante frymë më gjatë. Ishin të lyeje pemët me gëlqere për ti mbrojtur, të mësoje si quheshin llojet e tokës dhe të dalloje ku duhet të mbillej një perime e kshu mbillej më parë.

Pushimet ishin të shkoje në lumë me shokët e të harroheshe në diell e zall derisa të errej, ishin të mësoje të zhyteshe dhe të hidheshe nga sa më lart dhe të ecje pa këpucë në gurët e lumit që digjnin si zjarr.

Ishin të bëje piknik në mal , të flije nën dritën e hënës dhe të zgjoheshe nga vesa, ishin të qëndroje zgjuar gjithë natën në ditën e yjeve që ndiznin qiellin zjarr. Ishin të këndoje në të errur e të ndizje gjithë lagjen si një festival. Ishin të orgaznizoje koncerte, shkolla , parada duke i marrë mamit fshehur ndonjë pale kepucë e ndonjë fustan.

Ishte të përshkruaje agimin e një dite, lindjen e diellit atje tej mbi mal, e kur shkonte të flinte që përgjakte qiellin e dukej sikur shtëpinë e kishte mbi Sazan.

Pushimet tona përfshinin të ndihmonim në cdo formë në shtëpi dhe herë pas here prej aty lindte cdo argëtim , përfshinin netët pranë një zjarri të ndezur me gjithë lagjen rrotull të cilit tregonim histori, përfshinin caj mali për mëngjes dhe jo pak herë ishim pjesë e specidionit nëpër male që mblidhte cdo lloje bime për përdorim në shtëpi.

Përfshinin leximin e më shumë se një libri për të cilin pastaj flisnim papushim, përfshinin rregullimin e pantallonave dhe nervat e mamit kur shihte që ishim zgjatur po edhe këmba rritej e përfshinte një tjetër shpenzim. Përfshinin të nxiheshim po jo shumë se pastaj prindërit kuptonin që shkonim në lumë fshehur , apo që shkonim në det pa dhënë lajmërim.

Përfshinin gjithë ditën përjashta e askush nuk vinte alarmin e as nuk bënte tracking të asnjë lloj aparati se skishte dhe në fund ishin të sigurtë që ne e gjenim shtëpinë. Pushimet tona ishin të laheshim në ujë të ftohtë akull në vozat gjigande ku babi bënte verë apo raki , ndonjë edhe thyhej e pastaj ne rrinim për ca orë në qetësi.

Përfshinin të njomeshim drejpërdrejtë nga Zorra e ujitjes pa llagaritur të bërtiturat pasi bënim ujë gjithë shtëpinë. Përfshinin të luajturit kukafshehti me babin cdo darkë e fshiheshim në dollapë, bufe, e kudo ku mund të arrinte të fshihej një fëmijë. pushimet tona përfshinin gëzimin e nënës do ti merrnim fshehur llokume e bajame e prapë ajo ishte pakushte dashuri.

Përfshinin të ndërtonim karroca me guzhinieta dhe ti bënim copa gjunjët kur binim prej aty, përfshinin të rënit nga pemët e të thënit jo nuk kam asgjë jam shume mirë. Ishin ndërtimi i kasolleve me drutë e gjetura andej këtej e pastaj duhet ti cmontonim se drutë digjeshin në vater e bashkë me to trishtimi ynë që na linte pa “shtëpi”.

Përfshinin të dëgjonim histori lufte e ngjarje të së shkuarës me imazhet e imagjunuara në sy….. pushimet tona ishin të gjalla , e sot janë bota ku ne pushojmë cdo herë qe kemi nostalgji , cdo herë qe kemi një dite jo të mirë , cdo ditë qe nuk dua të bëjmë të rriturin , ai vendi i bukur i papekur, bota jonë magjike e fëmijërisë është aty ku e kemi jetuar dhe na sheh me të njëjtën sy plot ëmbëlsi.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Kuriozitete

“Qielli do të errësohet & temperatura do të bjerë”/ Ja çfarë duhet të dini për 8 Prillin

Më 8 Prill globi do të ketë mundësinë që të përjetojë eklipsin e dytë të…

LEXO ME SHUME
Categories Kuriozitete

Ja disa fakte argëtuese rreth çokollatës

Ja disa prej fakteve me interesante rreth çokollatës: Origjina e çokollatës daton në qytetërimet e…

LEXO ME SHUME
Categories Kuriozitete

12 kulte të frikshme dhe famëkeqe që janë ende aktive

Mund të themi se çdo fe është një kult, por ndryshimi kryesor është se kultet…

LEXO ME SHUME
Categories Kuriozitete

Horoskopi ditor për nesër, e shtunë 23 mars 2024

Dashi Jeta sentimentale e çifteve do jete shume e qete sot. Do flisni hapur me…

LEXO ME SHUME
Categories Kuriozitete

Test optik / A mund ta dalloni gabimin në këtë foto?

Testoni aftësitë tuaja të vëzhgimit përmes kësaj përballjeje vizuale! Kjo foto na tregon një imazh…

LEXO ME SHUME