fbpx
Kuriozitete

Infermierja luan muzikë me orë të tëra, për të sëmurët

Koronavirusi i ri duket se kohët e fundit po gjen më shumë terren në Amerikën Latine. Në Kili, teksa pjesa më e madhe e infermierëve dhe mjekëve pasi mbarojnë turnet sfilitëse kthehen në shtëpi, infermiere Damiras Silva merr në duar violinën e saj dhe nis të argëtojë pacientët e sëmurë.

Silva 26 vjeçe, kalon disa orë duke përshkruar të gjithë korridoret e spitalit “El Pino”, e cila ndodhet në një lagje të varfër të kryeqytetit Santiago. Me violinën e saj, ajo interpreton një përzierje të këngëve të njohura latine, duke argëtuar në këtë mënyrë pacientët e sëmurë me Covid-19.

“Sapo filloj të luaj muzikë, pacientëve i rikthehet buzëqeshja dhe nisin të duartrokasin. Qëllimi im i vetëm është të dhuroj pak dashuri, besim e shpresë me violinën time. Këtë gjë e bëj shpesh, e bëj sepse kështu ma ndien zemra”, është shprehur për mediat vendase Damiras. Sakaq, në Kili nga fillimi i pandemisë janë regjistruar 300,000 persona të infektuar me COVID-19, ndërsa 6,000 janë shpallur të vdekur.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button