Përgjatë fundjavave ndër postimet në këtë faqe duke parë që ka aktivitet lë lartë ndjekjeje ,kam zgjedhur për të shkruajtur për disa personazhe të qytetit të cilët kanë dhën kontribut real në përmirësimin e jetës.Këtë javë perzonazhi i zgjedhur është Genua i Karabashit .Nuk ka vlonjat mos ta njohi Marenglen Rushitin ,qoftë për biznesin ,furrë buke Karabash por edhe për angazhimin e tij social.Gjithashtu Genua dhe për ata që nuk e njohin është lehtësisht i identifikueshëm si personazh pasi preferenca e tij e veshjes në të 4 stinët e vitit është ,veshja me të shkurtra,pra dhe në borë nuk e ndërron veshjen .

Duke nisur nga pjesa e furrave ,çdo gjë nisi në lagjen Karabash ,një prej lagjeve më të vjetra të Vlorës ndërsa më pas si biznes u shtri dhe në zona të tjera ,si Skela apo ish-Gjyqi.Lidhja e fortë me Vlorën bën që edhe brënda furrave gjenden foto të vjetra të qytetit .Në profilin e tij nuk gjejmë vetëm postime të aspektit historik të qytetit por humori dhe sarkazma janë ndër më të preferuarat për lexuesit për të pasur një profil pozitiv.

Përveç biznesit ,hyn tek ata njerëz të angazhuar me aspektin social ku vazhdimisht jep kontributin në bamirësi të dukshme dhe të padukshme ,ku shpeshherë preferon të jetë te pjesa jo e dukshme dhe i pëlqen ti bëj në heshtje shumë gjëra.Pikërisht kjo është është dhe arsyeja e këtij postimi ,një shenjë falenderimi për çfar ai bën për qytetin dhe shëmbullin pozitiv që ai jep nëpërmjet punës dhe angazhimit social! Nga Enrik Mehmeti